Աշխարհը պատրաստվում է Ժնև-2-ին

ՄԱԿ-ի, Ռուսաստանի, և ԱՄՆ-ի մասնակցությամբ դեկտեմբերի 20-ին կկայանա հերթական հանդիպումը’ Սիրիայի հարցով Ժնևում միջազգային հանդիպում կազմակերպելու նպատակով: Այդ մասին տեղեկացրել է ՄԱԿ-ի և Արաբական երկրների լիգայի հատուկ ներկայացուցիչ Լահդար Բրահիմին:

«Մենք դեռևս քննարկում ենք մասնակիցների թիվը («Ժնև-2 կոնֆերանս»-ի): Դեկտեմբերի 20-ին կրկին կանցկացնենք եռակողմ հանդիպում, հնարավոր է այն կդառնա վերջինը «Ժնև-2»-ից առաջ»,- ասել է Բրահիմին’ Ժնևում հրավիրված ասուլիսում: