Մերձավորարևելյան ձախողված քաղաքականությունը Թուրքիան կոծկում է եվրաօրակարգով
Նմանատիպ
Թուրքիայում մոտենում է նախընտրական շրջանը և իշխող Արդարություն և զարգացում կուսակցությունը փորձում է մերձավորարևլյան տապալված քաղաքականությունը կոծկել Եվրոպայի հետ հարաբերությունների բարելավումով:
Եվրոպային ինտեգրվելու կուրսը, որը միշտ ակտուալ է ԱԶԿ-ի համար ընտրազանգված ձեռք բերելու տեսանկյունից, կրկին օրակարգում է:
Դեկտեմբերի 16-ին Եվրահանձնաժողովն ու Թուրքիան կստորագրեն վիզային ռեժիմի հանելու մասին պայմանագիր, որով Թուրքիայի քաղաքացիները հնարավորություն կունենան առանց վիզա ստանալու ճանապարհորդեն Եվրոպայում:
«Թուրքիայի և ԵՄ-ի իշխանությունների գործադրած համառ ջանքերից հետո մենք համաձայնության ենք եկել վիզայի ռեժիմի ազատականացման շուրջ բանակցություններ սկսելու վերաբերյա »լ,- հայտարարել է Անկարայի համար մեկ դիվանագետը:
Իսկ վարչապետ Ռեջեփ Թայիփ Էրդողանը նշել է, որ դեկտեմբերի 16-ին թուրքերը կլսեն այդքան սպասված լավ նորությունը:
Բնականաբար, նման նորությունները գալիս են հենց նախընտրական շրջանում’ ծածկելով նախորդ տարիների քաղաքական ձախողումները:
Այսպիսով, դեռևս ամիսներ առաջ դեպի եվրասիական առանցք շեղվելու ակնարկներ կատարող Թուրքիան, կրկին վերադառնում է եվրոպական օրակարգին:
Թուրքիայի կողմից բավական հմտորեն կիրառվեց եվրասիական շանտաժը, որն , այնուամենայնիվ, վախեր առաջացրեց Եվրոպայի մոտ:
Այսպիսով, Թուրքիայի եվրոպական օրակարգը կլցվի մի շարք բարձր մակարդակի հանդիպումներով:
Հունվար ամսին երեք տարվա մեջ առաջին անգամ Թուրքիայի վարչապետ Ռեջեփ Թայիփ Էրդողանը կմասնակցի Բրյուսելում կայանալաիք ԵՄ-ի համաժողովին, որի շրջանակներում կհանդիպի Եվրոպական խորհրդի նախագահ Հերման Վան Ռոմպույի, Եվրոպական հանձնաժողովի նախագահ Ժոզե Մանուել Բարոզոյի և Եվորապական պառլամենտի նախագահ մարտին Շուլցի հետ:
Հունվար ամսին նախատեսվում է Ֆրանսիայի նախագահի այցը Թուրքիա և Թուրքիայի նախագահ Գյուլի այցը Իտալիա:
Դեկտեմբերին Դավութօղլուն կմեկնի Աթնեք, որտեղ օրակարգում կլինի Կիպրոսի խնդիրը:
Սակայն շատ դիվանագետներ Թուրքիայի եվրոպական օրակարգի աշխուժացումը կապում են Մերձավոր Արևելքում, մասնավորապես Եգիպտոսում և Սիրիայում, ձախողված քաղաքականության հետ:
Հետևեք մեզ նաև Telegram-ում
