Սանտա Կլաուսների ավազակախմբերը ոսկերչական խանութներ են կողոպտել Ալբանիայում եւ Կոսովոյում

Սանտա Կլաուսի շորեր հագած հանցագործները Ծննդյան տոների ընթացքում Ալբանիայում եւ Կոսովոյում երկու զինված հարձակում են գործել ոսկերչական խանութների վրա, հաղորդում Է «Արմենպրես»-ը՝ հղում անելով France-Presse-ին: Ինչպես նշել Է Ալբանիայի ներքին գործերի նախարարության ներկայացուցիչ Ֆլորիոն Սերիանին, առաջին միջադեպը տեղի Է ունեցել Տիրանայում. չորս չարագործներ՝ Սանտա Կլաուսի հագուստով, ներխուժել են Ալբանիայի մայրաքաղաքի առեւտրական կենտրոններից մեկին կից ոսկերչական խանութ եւ, ինքնաձիգներով սպառնալով սեփականատիրոջը, տարել են մեծ քանակությամբ թանկարժեք իրեր:

Իսկ դեկտեմբերի 26-ին երեք «Սանտա Կլաուսներից» բաղկացած ելուզակախումբը կողոպտել Է Կոսովոյի Պրիզրեն քաղաքի ոսկերչական խանութը: Այդ հարձակման հետեւանքով վիրավորվել Է երկու մարդ:

Առայժմ պարզ չԷ, թե այս կողոպուտներն արդյոք նույն հրոսակախմբի ձեռքի գործն են, թե տարբեր հանցախմբեր միմյանցից անկախ են որոշել դիմակավորվելու համար օգտվել Ծննդյան տոների իրարանցումից: