Աբդուլլահ Գյուլը կայցելի Վրաստան

Թուրքիայի նախագահ Աբդուլլահ Գյուլը մոտ ժամանակում կայցելի Վրաստան: Այս մասին հայտարարել է Վրաստանի նախագահի արտաքին հարաբերությունների հարցերով խորհրդական Վանո Մաչավարիանին:

Նրա խոսքով’ այդ որոշումն ընդունվել է Վրաստանի նախագահ Գեորգի Մարգվելաշվիլիի’ օրերս Թուրքիա կատարած այցի ընթացքում:

«Թուրքական կողմը հայտնել է երկրի նախագահի’ մոտ ժամանակում Վրաստան այց կատարելու պատրաստակամության մասին: Բացի դրանից, մտադրություն է հայտնվել նախնական պայմանների պատրաստման շրջանակներում տարբեր ոլորտներում Վրաստանի, Թուրքիայի և Ադրբեջանի միջև համատեղ նախագծեր մշակելու համար եռակողմ նախաձեռնություն սկսելու շուրջ», -ասել է Մաչավարիանին: