Ռուսաստանի մի շարք քաղաքներում կհարգեն Հայոց ցեղասպանության զոհերի հիշատակը

Ռուսաստանի մայրաքաղաքում, մի շարք այլ քաղաքներում ու գյուղական համայնքներում անցկացվում են Հայոց ցեղասպանության զոհերի հիշատակին նվիրված միջոցառումներ: Ինչպես «Արմենպրես»-ին հայտնեցին Ռուսաստանի «Երկրամաս» հայկական թերթի տեղեկատվական կենտրոնից, ֆիլմերի ցուցադրություներ, հուշ-երեկոներ, ծաղ կեպսակ դնելու արարողություններ կիրականացվեն Մոսկվայում, Սանկտ Պետերբուրգում, Դոնի Ռոստովում, Կրասնոդարում, Պերմում, Ուլյանովսկում, Կալինինգրադում, Կալուգայում, Տյումենում, Յարոսլավլում, Նովոսիբիրսկում, Ղրիմում, Նովոռոսիյսկում, Ստավրապոլում:

Մոսկվայում ապրիլի 22-ին’ 17:30-ին, Նեկրասովի անվան Կենտրոնական գիտական գրադարանում կանցկացվի Հոլոքոստի ու Հայոց ցեղասպանության զոհերի հիատակին նվիրված հուշ-երեկո: Միջոցառումը համատեղ իրականացնում են «Հոլոքոստ» գիտալուսավորչական կենտրոնը, «Արարատ» հայկական մշակութալուսավորչական համայնքը և «Ռուս-հայկական ընկերակցություն» մոսկովյան կազմակերպությունը: Երեկոյին կմասնակցեն հասարակական ու քաղաքական գործիչները: Միջոցառմանը կհնչեն տարբեր երկրների կոմպոզիտորների դասական ստեղծագործություններ: Երեկոյի շրջանակներում կբա ցվի գյումրեցի երիտասարդ նկարիչ Վաչագան Պողոսյանի անհատական ցուցահանդեսը’ նվիրված ինչպես Հայող ցեղասպանությանը, այնպես էլ Հոլոքոստին:

Ապրիլի 24-ին’ ժամը 13:00-ին, Մոսկվայի «Կրասնոպրեսնենսկայա զաստավա» (մետրոյի «1905 թվականի փողոց» կայարանի մոտ) հրապարակում տեղի կունենա ցույց «Հայերի ցեղասպանություն’ մարդկության դեմ ուղղված հանցագործություն» խորագրով: Այդ բողոքի ցույցով ռուս հասարակությունը հարգանքի տուրք կմատուցի ցեղասպանված հայ անմեղ զոհերի հիշատակին’ դատապարտելով մարդկության դեմ իրականացված հանցագործությունը և պահանջելով Թուրքիայի կողմից պաշտոնապես ցեղասպանության ճանաչում: Բողոքի ցույցի ժամանակ ելույթ կունենան ՌԴ Պետդումայի ներկայացուցիչներ, քաղաքագետներ ու Մոսկվայում գտնվող ազգային համայնքների ներկայացուցիչներ: Բողոքի ցույցը համաձայեցված է Մոսկվայի քաղաքապետարանի հետ:

Ապրիլի 23-ին’ ժամը 19:00-ին, Սանկտ Պետեբերուրգում Սմոլնի տաճարում տեղի կունենա համերգ, ապրիլի 24-ին’ ժամը 16:00-ին, Սուրբ Եկատերինայի հայկական եկեղեցում հոգեհանգստի կարգ կմատուցվի, այնուհետև ծաղիկներ կդնեն խաչքարի մոտ, կանցկացվի «Արցունքից դեպի հաղթանակ» ակցիան, Նկարիչների միությունում ժամը 18:00-ին կբացվի ցուցադրություն:

Դոնի Ռոստովում արդեն ապրիլի 20-ից մեկնարկել են տարբեր կրթական, մշակութային միջոցառումներ: Ապրիլի 23-ին տեղի կունենա ֆիլմի ցուցադրություն, հանդիպում ռեժիսորի հետ: Ապրիլի 24-ին և 25-ին ևս նախատեսվում են հիշատակի միջոցառումներ: