ՌԴ դեսպանը Ադրբեջանում բնակվող ռուսներին կոչ է արել բարձր պաշտոններ զբաղեցնել

Ադրբեջանում Ռուսաստանի Դաշնության դեսպան Վլադիմիր Դորոխինը ադրբեջանաբնակ իր երիտասարդ հայրենակիցներին կոչ է արել ինտեգրվել ադրբեջանական հասարակությանը, որպեսզի հետագայում կարողանան զբաղեցնել կարեւոր պետական պաշտոններ:Դորոխինը հայտարարել է Ադրբեջանի ռուս երիտասարդության հետ հանդիպման ժամանակ :Դեսպանը նաեւ նշել է սփյուռքային կազմակերպություններում Ադրբեջանի ռուս երիտասարդության մասնակցության կարեւորությունը:

Դորոխինի խոսքով, ռուսական պետությունը արտասահմանում բնակվող հայրենակիցներին աջակցում է Պետական հանձնաժողովի միջոցով, որը ղեկավարում է ՌԴ արտաքին գործերի նախարար Սերգեյ Լավրովը:

Եզրափակիչ խոսքում Դորոխինը հանդիպման մասնակիցներին վստահեցրել է, որ դեսպանատունն այսուհետեւ եւս շարունակելու է աջակցել Ադրբեջանում ռուսական սփյուռքին: