Սահմանային լարվածության հարցում Թուրքիայի նախաձեռնությունը չեմ տեսնում. Շաքարյան
Նմանատիպ
Թուրքագետ Արտակ Շաքարյանը սահմանային լարվածության մեջ Թուրքիայի նախաձեռնությունը չի տեսնում՝ նկատելով, որ իհարկե, Թուրքիան շարունակում է կողմնակալություն պահպանել հայ-ադրբեջանական հարաբերություններում:
«Ադրբեջանցիները մեծ հույսեր են կապում Թուրքիայից եկող «կամավորական» ջոկատների հետ: Բնականաբար, նման զարգացումների դեպքում Թուրքիան չի հապաղի միջամտել»,-շեշտեց նա:
Անդրադառնալով ադրբեջանա-թուրքական դաշինքի ստեղծման հնարավորությանը, Արտակ Շաքարյանը նկատեց, թե Թուրքիան մինչև հիմա սևրոֆոբիայից (վախ Սևրի պայմանագրից) չի ձերբազատվել: Ըստ նրա՝ Թուրքիան գիտի, որ եթե Ադրբեջանը ձախողվի կամ մի բա այն չանի խնդիր է ունենալու ՀՀ ռազմավարական դաշնակից ՌԴ-ի հետ, ՀԱՊԿ-ի հետ՝ լինելով ՆԱՏՕ-ի անդամ նաև:
«Թուրքիան շատ զգուշավոր է Ռուսաստանի հետ հարաբերություններում և գիտի, որ անգամ ՆԱՏՕ-ին չի փրկի իրեն ռուս-թուրքական առճակատումից: Եվ հետո՝ Թուրքիան լավ է հասկանում, որ Ադրբեջանը «սիրախաղի» մեջ է Ռուսաստանի հետ»,-ամփոփեց Շաքարյանը:
Հետևեք մեզ նաև Telegram-ում