Ֆյուլեն հրաժարվել է զուգահեռներ անցկացնել Ղրիմի և Արցախի միջև
09/09/2014 21:12
Նմանատիպ
Ընդլայնման և եվրոպական հարևանության հարցերով ԵՄ հանձնակատար Շտեֆան Ֆյուլեն, ով այժմ Ադրբեջանում է, հրաժարվել է համեմատականներ տանել Ղրիմի և Ղարաբաղի միջև: Այս մասին տեղեկացնում է Արմենպրեսը՝ հղում կատարելով ադրբեջանական Haqqin.az-ին:
Ֆյուլեն հրաժարվել է պատասխանել ադրբեջանցի լրագողներից մեկի այն հարցին, թե ինչու են Ռուսաստանի նկատմամբ կիրառվում պատճամիջոցներ Ղրիմը բռնագրավելու համար, իսկ նույնը Ղարաբաղի խնդրով չի կիրառվում Հայաստանի նկատմամբ: ԵՄ հանձնակատարը հայտարարել է, որ զուգահեռներ տանել Ղրիմի և Ղարաբաղի միջև չի կարելի:
Շտեֆան Ֆյուլեն այսօր Բաքվում մասնակցում է «Արևելյան գործընկերության» անդամ երկրների արտաքին գործերի նախարարների ոչ պաշտոնական հանդիպմանը, որին Հայաստանը չի մասնակցում:
Հետևեք մեզ նաև Telegram-ում