Մարադոնա. Առանց Գվարդիոլայի «Բարսելոնան» խաղում է անիմաստ ֆուտբոլ
04/03/2013 14:19
Նմանատիպ
Արգենտինայի ազգային հավաքականի նախկին գլխավոր մարզիչ Դիեգո Մարադոնան նշել է, որ «Բարսելոնան» ներկա պահին չի ցուցադրում այն գեղեցիկ և արդյունավետ ֆուտբոլը, որը կար Պեպ Գվարդիոլայի ղեկավարության ներքո:
Միաժամանակ Մարադոնան նաև առողջություն է մաղթել կապտանռնագույնների ներկայիս գլխավոր մարզիչ Տիտո Վիլանովային, որը առողջական խնդիրների պատճառով գտնվում է ԱՄՆ-ում:
– Տիտոն մեծագույն մարզիչ է, սակայն Գվարդիոլայից հետո «Բարսելոնան» չի ցուցադրում այն գեղեցիկ և արդյունավետ ֆուտբոլը: Կան պահեր, երբ պետք է 3 փոխանցում կատարել և հարվածել դարպասին, սակայն նրանք այլ բան են անում: Առանց Գվարդիոլայի «Բարսելոնան» հոգնած տեսք ունի,- ասել է Մարադոնան:
Հետևեք մեզ նաև Telegram-ում