Իտալական թիմերը հետաքրքրված են Սանդրոյով

«Տոտենհեմի» կիսապաշտպան Սանդրոն հայտնվել է միանգամից մի քանի իտալական ակումբների ուշադրության կենտրոնում: Այս մասին հաղորդում է Sky Sports-ը: Նշենք, որ Սանդրոն լոնդոնյան ակումբ է տեղափոխվել 2010 թվականին` բրազիլական «Ինտերնասիոնալից»` 8 մլն ֆունտով: Ընթացիկ մրցաշրաջնում Սանդրոն ծնկի վնասվածքի պատճառով խաղաց մինչև հունվար:

Եվ այժմ իտալական ակումբները, չնայած վնասվածքին և ֆուտբոլիստի` ակումբի հետ ունեցած գործող պայմանագրին, ցանկանում են գնել նրա տրանսֆերային իրավունքները: Այս առիթով անձամբ ֆուտբոլիստն ասել է.

-Ապագայում կխաղա՞մ Իտալիայում: Չգիտեմ: Այժմ ես կենտրոնացած եմ ապաքինմանս վրա: Հենց ապաքինվեմ, փորձելու եմ օգնել «Տոտենհեմին»  հաջող ելույթներ ունենալ ԱՊԼ-ում և Եվրոպայում: