«Մետալուրգ»-«Իլիչևեց». Կառլեն Մկրտչյանը մասնակցեց ամբողջ հանդիպմանը

Ուկրաինայի առաջնության 20-րդ տուրում Դոնեցկի «Մետալուրգը» սեփական հարկի տակ ընդունել էր «Իլիչևեցին»: Այս խաղում գրանցվեց գոլազուրկ ոչ-ոքի, թեպետ հանդիպման 71-րդ րոպեին Ժունիոր Մորաեսը կարող էր հաղթանակ պարգևել իր թիմին, սակայն «Մետալուրգի» ֆուտբոլիստը վրիպեց:

Նշենք, որ հանդիպմանը մեկնարկային րոպեներից մասնակցում էր Հայաստանի ազգային հավաքականի ֆուտբոլիստ Կառլեն Մկրտչյանը, իսկ հայազգի մյուս ֆուտբոլիստ Գևորգ Ղազարյանը պահեստայինների թվում էր և այդպես էլ խաղաժամանակ չստացավ:

Հավելենք` այս խաղից հետո «Մետալուրգը» վաստակեց 27 միավոր, իսկ «Իլիչևեցը»` 26. մրցաշարային աղյուսակում այս թիմերը շարունակում են մնալ հարևաններ: