Չավին կրկին վնասվածք է ստացել

«Բարսելոնայի» կիսապաշտպան Չավին բաց կթողնի Իսպանիայի առաջնության 28-րդ տուրի «Ռայո Վալեկանոյի» հետ հանդիպումը: Չեմպիոնների լիգայի 1/8 եզրափակչի «Բարսելոնա»-«Միլան» խաղի ժամանակ Չավին ցավեր է զգացել աջ ոտքի շրջանում: 

Այսօր ֆուտբոլիստը բժշկական հետազոտության է ենթարկվել, որի արդյունքում պարզ է դարձել` բորբոքվել են Չավիի ազդրի մկանները:

Հիշեցնենք, որ ֆուտբոլիստը նոր էր ապաքինվել վնասվածքից և երեկվա խաղին մասնակցում էր երկարատև բացակայությունից հետո: