Դրոգբան չի հրավիրվել Կոտդիվուարի հավաքական

«Գալաթասարայի» հարձակվող Դիդիե Դրոգբան դուրս է մնացել Աշխարհի 2014 թվականի առաջնության ընտրական փուլի Գամբիայի հետ հանդիպման Կոտդիվուարի հայտացուցակից:

Անցած չորեքշաբթի իվուարցիների ավագը օգնեց թուրքական թիմին դուրս գալ Չեմպիոնների լիգայի 1/4 եզրափակիչ, ու ակնկալվում էր, որ նա կհայտնվի «փղերի» կազմում:Սակայն թիմի գլխավոր մարզիչ Սաբրի Լյամուշին այս անգամ որոշել է հրաժարվել իր առաջատարի ծառայություններից:

Ճիշտ է, երկրի ֆուտբոլի ֆեդերացիան պաշտոնապես դեռ չի մեկնաբանել այս փաստը, սակայն, պարզ է, որ սա պայմանավորված է չինական «Շանհայ Շենհուայից» հեռանալուց հետո ֆուտբոլիստի ոչ այդքան լավ մարզավիճակով: