Շուստեր. «Ռեալն» արդեն սովորել է խաղալ «Բարսելոնայի» դեմ

Մադրիդի «Ռեալի» նախկին գլխավոր մարզիչ Բերնդ Շուստերը կարծում է, որ մադրիդյան թիմն արդեն կարողանում է հաջողությամբ պայքարել «Բարսելոնայի» դեմ, հաղորդում են իսպանական ԶԼՄ-ները:

Հիշեցնենք, որ վերջին երկու Էլ Կլասսիկոներում ավելի ուժեղ է գտնվել Ժոզե Մոուրինյոյի թիմը:

-«Բարսելոնայի» հետ հակամարտությունում, կարծում եմ, «Ռեալը» մեկ քայլ առաջ է կատարել: Մնացածն այնքան էլ կարևոր չէ… «Ռեալը» հաղթեց ազգային առաջնությունում նախորդ տարի, իսկ «Բարսան»’ Արքայական գավաթը: Իսկ այս տարի, ամենայն հավանականությամբ, առաջնությունում կհաղթեն կատալոնացիները: Սակայն Կլասսիկոյում մադրիդյան թիմը արդեն կարողանում է պայքարել: Մրցակցի հետ այդքան շատ խաղեր անցկացնելուց հետո սկսում ես ավելի լավ ճանաչել նրան,- ասել է գերմանացի մասնագետը: