Իտալիայի հավաքականի փորձառու ֆուտբոլիստ Անդրեա Պիրլոն խոսել է Բրազիլիայի ընտրանու հետ առաջիկա հանդիպումից:
«Բրազիլիայի հետ հանդիպումները երբեք հեշտ չեն լինում: Կարծում եմ` սա շատ կարևոր խաղ է, որը կօգնի մեզ պատրաստվել աշխարհի 2014 թվականի առաջնության նախընտրական փուլի խաղերին:
Իտալիան ուժեղ հավաքականների հետ ընկերական հանդիպումներ հաճախ չի կազմակերպում: Այս անգամ էլ կփորձենք ցույց տալ մեր լավագույն խաղը, որպեսզի ուրախացնենք երկրպագուներին:
Մեր հավաքականն ամիս առ ամիս ավելի է աճում. մենք աշխարհի ուժեղագույն ընտրանիների տասնյակում ենք»,-ասել է Պիրլոն:
