Ուրուգվայցի հարձակվողն անկեղծացել է` ունի մի շարք նպատակներ, որոնք «Լիվերպուլում» չի կարողանա իրագործել:
Եթե առաջ այլ ակումբ տեղափոխվելու տեղեկությունները Լուիս Սուարեսն անմիջապես հերքում էր, ապա այժմ ակնարկել է, որ պատրաստ է նոր մարտահրավերներ ընդունել:
«Երբեք չգիտես` ինչ տեղի կունենա ֆուտբոլում: Ֆուտբոլիստը միշտ ունի նպատակներ, նպատակ` հանդես գալու լավագույն ակումբում: Ես խաղում եմ համաշխարհային մակարդակ ունեցող թիմում, բայց եթե եվրոգավաթներին մասնակցող այլ ակումբ ցանկանա ձեռք բերել իմ տրանսֆերը, ապա ես կողջունեմ դա: Նման դեպքում կզրուցեմ ակումբի ղեկավարության հետ, որից հետո կորոշեմ` մնա՞լ, թե՞ ոչ»,-ֆուտբոլիստի խոսքերը մեջբերել է Goal.com-ը:
