Լուկա Տոնի. «Յուվեն» պետք է զգուշանա «Բավարիայից»

«Ֆիերենտինայի» հարձակվող Լուկա Տոնին, ով ժամանակին հանդես է եկել նաև Մյունխենի «Բավարիայում», անհամբերությամբ սպասում է Չեմպիոնների լիգայի քառորդ եզրափակչի «Յուվենտուս»-«Բավարիա» դիմակայությանը:

ՈւԵՖԱ-ի պաշտոնական կայքին տված հարցազրույցում Տոնին ասել է.

«Այս թիմերի հանդիպումից անհավական պայքար եմ ակնկալում: «Յուվեն» պետք է զգույշ լինի, որովհետև «Բավարիան» այնքան ուժեղ է, որ կարող է հաղթել այս մրցաշարում: «Յուվեն» և «Բավարիան» երկու բոլորովին տարբեր թիմեր են: Գերմանացիները հզոր թիմ ունեն, սակայն այն կարող է անհասկանալի ձևով պարտվել որոշ խաղերում: Տեսնենք` հոգեբանորեն նրանք որքանով պատրաստ կլինեն այս մրցավեճին»: