Չեխիայի մարզիչ. Եթե չհաղթենք Հայաստանին, հրաժարական կտամ

Չեխիայի հավաքականի գլխավոր մարզիչ Միխալ Բիլեկը կտրուկ է արտահայտվել Դանիայի հավաքականին 0-3 հաշվով պարտվելուց հետո:

-Եթե չհաղթենք Հայաստանի հավաքականին, հրաժարական կտամ: Մենք այս ընտրական փուլում կորցրել ու շարունակում ենք միավորներ կորցնել, թեև իրավիճակը դեռևս անհույս չէ: Մեր թիմն արդեն ապացուցել է, որ ընդունակ է դուրս գալ ծանր իրավիճակներից: Մենք պետք է պարզապես ցույց տանք այն, ինչին ընդունակ ենք,- ասել է չեխերի մարզիչը:

Հիշեցնենք, որ Հայաստանի ու Չեխիայի հավաքականները կհանդիպեն Երևանում, մարտի 26-ին: