Ըմբշամարտ. Արթուր Շահինյանը նվաճեց Եվրոպայի առաջնության բրոնզե մեդալը

Թբիլիսիում կայացած ըմբշամարտի Եվրոպայի առաջնությունում քիչ առաջ 84 կգ քաշային կարգում հանդես եկող Արթուր Շահինյանը դարձավ բրոնզե մեդալակիր:

Հայ ըմբիշը բրոնզե մեդալի համար գոտեմարտում առավելության հասավ բուլղարացի Խրիստո Միրինովի նկատմամբ: 

Հավելենք` մեկնարկային գոտեմարտում Արթուր Շահինյանը 4:1, 4:1 հաշվով պարտության էր մատնել հունգարացի Պետեր Բակցին, քառորդ եզրափակիչում` 9:0, 0:1 հաշվով Անտի Վելի Հակալային, իսկ կիսաեզրափակիչում 0:5, 0:0 հաշվով պարտվել էր վրացի Վլադիմեր Գեգեշիձեին: