Սավիոլա. Առաջիկա 15 օրերը շատ կարևոր են «Մալագայի» համար
28/03/2013 14:33
Նմանատիպ
«Մալագայի» հարձակվող Խավիեր Սավիոլան կարծում է, որ իր թիմի համար շատ կարևոր են լինելու առաջիկա հանդիպումները, հայտնում են իսպանական ԶԼՄ-ները:
Ազգային առաջնությունում Մանուել Պելեգրինիի սաները կմրցեն «Ռայո Վալյեկանոյի» ու «Ռեալ Սոսյեդադի» հետ: Իսկ Չեմպիոնների լիգայի քառորդ եզրափակչի շրջանակներում հանդիպելու են Դորտմունդի «Բորուսիայի» հետ:
-Այդ հանդիպումները ցույց կտան, թե ինչ կարգավիճակում է գտնվում մեր թիմը, ու մեզ համար լավ քննություն կդառնան: Մենք չենք կարող մեզ թույլ տալ միավորներ կորցնել: Ինչ վերաբերում է «Բորուսիային», ապա մրցաշարի այդ փուլում հնարավոր չէ հեշտ մրցակիցների հետ հանդիպել: Այդպիսի թիմերի հետ խաղերը միշտ էլ հետաքրքիր են անցնում,- ասել է Սավիոլան:
Հետևեք մեզ նաև Telegram-ում