Լևոն Արոնյանը պարտվեց Պյոտր Սվիդլերին և նահանջեց երրորդ հորիզոնական

Աշխարհի չեմպիոնի կոչման համար հավակնորդների մրցաշարի 11-րդ տուրում Լևոն Արոնյանը սև ֆիգուրներով պարտվեց Պյոտր Սվիդլերին: Պարտիան ավարտվեց 41-րդ քայլին:

Այս տուրից հետո Արոնյանը մնաց 6.5 միավորով, ինչը հնարավորություն տվեց Վլադիմիր Կրամինկին շրջանցել նրան մրցաշարային աղյուսակում և 7 միավորով զբաղեցնել երկրորդ հորիզոնականը:

Նշենք, որ Մագնուս Կարլսեն-Ալեքսանդր Գրիշչուկ, Վասիլի Իվանչուկ-Բորիս Գելֆանդ պարտիաները ավարտվել են ոչ-ոքի, իսկ Վլադիմիր Կրամնիկը հաղթանակ է տոնել Թեյմուր Ռաջաբովի նկատմամբ: 

Մրցաշարային աղյուսակը շարունակում է գլխավորել ՖԻԴԵ-ի վարկանիշային աղյուսակի առաջատար Մագնուս Կարլսենը` 7.5 միավոր: