Երկրպագուները Հենրիխ Մխիթարյանին ճանաչել են մարտ ամսվա «Շախտյորի» լավագույն ֆուտբոլիստ

Դոնեցկի «Շախտյորի» պաշտոնական կայքում անցկացված քվեարկության արդյունքում’ մարտ ամսվա թիմի լավագույն ֆուտբոլիստ է ճանաչվել Հայաստանի հավաքականի կիսապաշտպան Հենրիխ Մխիթարյանը, ով ստացել է 478 ձայն (36,32%);

Երկրորդ տեղում բրազիլացի Ֆեռնանդինյոն է, ով ստացել է 410 ձայն (31,16%): Լավագույն եռյակը եզրափակում է թիմի ավագ Դարիո Սռնան, ում օգտին քվեարկել են 80 ֆուտբոլասեր (6,08%):

Նշենք, որ սա լավագույն ֆուտբոլիստին որոշելու միայն առաջին փուլն է, քանի որ վերջնական արդյունքները կամփոփվեն միայն ակումբի վետերանների ու մարզական լրագրողների շրջանում անցկացված քվեարկություններից հետո: