Կարանկա. Գոլերը կարևոր են, բայց ավելի կարևոր են «Ռեալի» հարձակվողների խաղն ու աշխատանքը
07/04/2013 13:17
Նմանատիպ
Մադրիդի «Ռեալի» գլխավոր մարզիչ Ժոզե Մոուրինյոյի օգնական Այտոր Կարանկան Լա Լիգայի 30-րդ տուրում «Լևանտեի» նկատմամբ 5-1 հաշվով հաղթանակից հետո նշել է, որ մարզչական շտաբը գոհ է մնացել թիմի խաղից, հաղորդում են իսպանական ԶԼՄ-ները:
-Այս խաղում մենք հիմնական կազմի մի քանի ֆուտբոլիստների հանգստի հնարավորություն էինք տվել: Պետք է նշել, որ կարող էինք խաղի ելքը վճռել շատ ավելի վաղ, սակայն երրորդ գնդակը չէր հայտնվում մրցակցի դարպասում: Իսկ «Լևանտեն» ցանկացած պահի կարող էր անակնկալ մատուցել: Ինչ վերաբերում է մեր հարձակվողներին, ապա մենք չենք կենտրոնանում նրանց խփած գոլերի քանակի վրա: Դրանք կարևոր են, բայց ավելի կարևոր են խաղադաշտում նրանց խաղն ու աշխատանքը,- ասել է Կարանկան:
Հետևեք մեզ նաև Telegram-ում