Բ.Սահակյան. Աբխազիայի նախագահի դեմ հրեշավոր հանցագործությունն իրականացնողներն արժանի են ամենախիստ պատժի
Նմանատիպ
Արցախի Հանրապետության նախագահ Բակո Սահակյանը դատապարտել է Աբխազիայի նախագահ Ալեքսանդր Անկվաբի դեմ փետրվարի 22-ին իրականացված ահաբեկչությունը, հայտնում են նախագահի աշխատակազմի տեղեկատվության բաժնից: Times.am-ը ներկայացնում է հեռագրի բովանդակությունն ամբողջությամբ.
«Հարգարժան Ալեքսանդր Զոլոտինսկի,
Խորապես վրդովված եմ Ձեր` Աբխազիայի Հանրապետության նախագահի դեմ կատարված մահափորձի մասին լուրից:
Այդ հրեշավոր հանցագործությունն իրականացնողները, որն ըստ էության հանդիսանում է ոտնձգություն Աբխազիայի Հանրապետության պետականության դեմ եւ ուղղված է հանրապետությունում իրավիճակի ապակայունացմանը, արժանի են ամենախիստ պատժի:
Լեռնային Ղարաբաղի Հանրապետության ժողովուրդն ու իշխանությունները վճռականորեն դատապարտում են այդ աղաղակող ահաբեկչական գործողությունը եւ համերաշխություն ու աջակցություն հայտնում Ձեզ եւ եղբայրական Աբխազիայի ժողովրդին»:
Հետևեք մեզ նաև Telegram-ում