Լավեսսին կարող է տեղափոխվել «Միլան»

Gazzetta dello Sport-ի տեղեկություններով, «Միլանը» պատրաստվում է ձեռք բերել «ՊՍԺ»-ի հարձակվող Էյզեկիել Լավեսսիին: Չնայած, որ արգենտինացին միայն անցյալ ամռանն է Ա Սերիան փոխարինել ֆրանսիական Ա Լիգայով, իտալական ԶԼՄ-ներում շատ ակտիվ է քննարկվում նրա վերադարձը Իտալիա:

Այս շաբաթ Լավեսսին մեկնել է Միլան ու այցելել «Ջիանինո» ռեսորան, որտեղ շատ հաճախ են լինում «ռոսսոներիի» ներկայացուցիչները: Բացի այդ, ըստ աղբյուրի, արգենտինացի խաղացողն ու նրա ընտանիքը ակտիվորեն նոր բնակարան են փնտրում Միլանում:

Հիշեցնենք’ Լավեսսին հինգ տարի շարունակ խաղացել է «Նապոլիում» ու 2012-13 թթ. մրցաշրջանից առաջ 29 մլն. եվրոյի դիմաց տեղափոխվել է Ֆրանսիա: