Մեսսի. «Ռեալի» հետ եզրափակիչը շատերի համար ինչ-որ յուրահատուկ բան կլինի

«Բարսելոնայի» հարձակվող Լիոնել Մեսսին նշել է, որ շատ է ցանկանում դուրս գալ Չեմպիոնների լիգայի եզրափակիչ ու այնտեղ հանդիպել Մադրիդի «Ռեալի» հետ, հաղորդում են իսպանական ԶԼՄ-ները:

Հիշեցնենք’ կատալոնացիների մրցակիցը մրցաշարի կիսաեզրափակչում լինելու է «Բավարիան», իսկ մադրիդցիները մրցելու են գերմանական թիմերից մյուսի’ Դորտմունդի «Բորուսիայի» հետ:

-Կիսազրափակչի յուրաքանչյուր մասնակից ուժեղ է: Սակայն «Բավարիան» այս մրցաշրջանում շատ լավն է: Նրանք ամենաբարձր մակարդակի ֆուտբոլ են ցուցադրում ու խփում են մեծ քանակությամբ գոլեր: Մեզ համար միևնույնն է’ ում հետ կխաղանք եզրափակչում, եթե, իհարկե, հայտնվենք այնտեղ: Սակայն «Ռեալի» հետ խաղը շատերի համար ինչ-որ յուրահատուկ բան կլինի,- ասել է Մեսսին: