Հրաչյա Ռոստոմյանը ցավակցական ուղերձ է հղել Արմեն Անտոնյանի մահվան կապակցությամբ

Մեր շարքերից հեռացավ անվանի մարզիչ-մանկավարժ, հարգված և սիրված ավագ ընկեր Արմեն Անտոնյանը: Մի քանի սերունդ է մարզվել, կրթվել և դաստիարակվել Արմեն Անտոնյանի մոտ: Նրա սաներից են աշխարհի չեմպիոն և գավաթակիր Նշան Մունչյանը, Եվրոպայի արծաթե մեդալակիր Արտյոմ Սիմոնյանը և այլ մրցանակակիր մարզիկներ:
Ողջ մարզաշխարհը և բոլոր գործընկերները մշտապես երախտապարտ են լինելու նրան ոչ միայն լավ մարզիկներ և բանիմաց հետնորդներ կրթելու, այլ նաև նրա բարեկիրթ, հավասարակշիռ կեցվածքի և բարյացկամ բնույթի համար:
Անկեղծորեն ցավակցում եմ Արմեն Անտոնյանի ընտանիքին և բարեկամներին, ու հայտնում նրանց իմ զորակցությունը: