Կլոպ. «Ռեալը» կարողանում է խաղալ ոչ միայն հակագրոհներով
24/04/2013 14:00
Նմանատիպ
Դորտմունդի «Բորուսիայի» գլխավոր մարզիչ Յուրգեն Կլոպը հուսով է, որ Չեմպիոնների լիգայի խաղարկության «Ռեալի» հետ առաջիկա մրցավեճում երկրպագուները թիմի 12-րդ խաղացողը կդառնան, հաղորդում է գերմանական մամուլը:
Հիշեցնենք’ գերմանական ու իսպանական ակումբների առաջին մրցավեճը կկայանա Դորտմունդում:
-Այս խաղում երկրպագուների գործոնը շատ կարևոր է: Նրանք կարող են օգնել մեզ ու դաշտում հիանալի մթնոլորտ ստեղծել: Ու մենք գիտենք, թե մեզ ինչ հաշիվ է պետք պատասխան խաղից առաջ: «Ռեալը» թիմ է, որը խաղային տարբեր համակարգեր ունի: «Մանչեսթեր Յունայթեդի» հետ խաղում այդ թիմը գնդակին տիրում էր ժամանակի 68%-ը: Այնպես որ, նրանք կարողանում են խաղալ ոչ միայն հակագրոհներով: Սակայն ես չեմ ցանկանում ասել, թե ինչպես ենք փորձելու կանգնեցնել «Ռեալին»,- ասել է Կլոպը:
Հետևեք մեզ նաև Telegram-ում