Ալեգրին կարող է գլխավորել «Ռոման»

«Ռոմայի» ղեկավարությունը դեռևս հույսը չի կորցրել հաջորդ մրցաշրջանում թիմի ղեկին տեսնելու «Միլանի» գլխավոր մարզիչ Մասիմիլիանո Ալեգրիին:

La Gazzetta dello Sport-ի տեղեկություններով, 45-ամյա մասնագետը կարող է հեռացվել իր պաշտոնից, եթե մրցաշրջանի արդյունքներով թիմը ձեռք չբերի Չեմպիոնների լիգայի հաջորդ խաղարկության ուղեգիր:

Թեև վերջերս «ռոսսոներիի» փոխնախագահ Ադրիանո Գալիանին հավաստիացրել էր, որ Ալեգրին, ամեն դեպքում, հաջորդ մրցաշրջանում կմնա ակումբում, սակայն նախագահ Սիլվիո Բեռլուսկոնին այս հարցում ավելի սկզբունքային է. «Մենք չենք կարող մեզ թույլ տալ նույնիսկ մտածել լավագույն եռյակում չհայտնվելու մասին»:

Ինչպես հայտնում է Corriere dello Sport-ը, «Ռոմայի» ներկայիս մարզիչ Աուրելիո Անդրեացոլին ներկայիս մրցաշրջանի ավարտից հետո այլևս չի գլխավորի ակումբը, սակայն կմնա հռոմեացիների մարզչական շտաբում: