Մոուրինյոն չեմպիոնության առթիվ շնորհավորել է Ֆերգյուսոնին

«Ռեալի» գլխավոր մարզիչ Ժոզե Մոուրինյոն «Մանչեսթեր Յունայթեդի» իր գործընկեր սըր Ալեքս Ֆերգյուսոնին շնորհավորել է Պրեմիեր լիգայի չեմպիոնության կապակցությամբ:

Հիշեցնենք’ «Ասթոն Վիլլայի» նկատմամբ տարած հաղթանակից հետո մանկունյանցիներն արդեն անհասանելի են մրցակիցների համար ու ապահովել են ակումբի պատմության մեջ 20-րդ չեմպիոնական տիտղոսը:

-Նա դա անում է իր ողջ կյանքի ընթացքում’ հաղթում է: Երբեմն դա չի հաջողվում, քանի որ դա պարզապես հնարավոր չէ: Այդպիսինն է կյանքն ու նրա կարիերան: Ես շնորհավորում եմ նրան: Ինչպես ինձ, այնպես էլ ողջ աշխարհի համար անակնկալ չէ, որ սըր Ալեքսն ու «Մանչեսթեր Յունայթեդը» նորից հաղթում են,- ասել է պորտուգալացին The Guardian-ի հետ զրույցում: