Գվարդիոլան զարմացած է` «Բավարիան» խոշոր հաշվով հաղթեց «Բարսելոնային»
Նմանատիպ
Չեմպիոնների լիգայի կիսաեզրափակչում «Բավարիայի» խոշոր’ 4-0 հաշվով հաղթանակը «Բարսելոնայի» նկատմամբ մեծ անակնկալ է եղել կատալոնացիների նախկին մարզիչ Պեպ Գվարդիոլայի համար, հաղորդում է գերմանական մամուլը:
Գերմանական գրանդի ապագա մարզիչը ավելի շատ պայքար է սպասել, սակայն Յուպ Հայնկեսի թիմը մրցակցին ոչ մի հնարավորություն չի թողել ու ջախջախիչ հաղթանակ է տոնել:
Պետք է ընդգծել, որ շատ մասնագետներ կարծում են’ կատալան մասնագետի համար դժվար է լինելու մյունխենյան ակումբում: Խնդիրը նրանում է, որ Հայնկեսը թիմին արդեն շատ բարձր մակարդակի վրա է հասցրել. «Բավարիան» արդեն իսկ չեմպիոն է Բունդեսլիգայում, իսկ Գերմանիայի գավաթում դուրս է եկել եզրափակիչ: Ինչ վերաբերում է Չեմպիոնների լիգային, ապա այստեղ էլ նրանց հաղթելու հնարավորությունը շատ մեծ է:
Հիշեցնենք’ Գվարդիոլան գերմանական գրանդը գլխավորելու է նոր մրցաշրջանից:
Հետևեք մեզ նաև Telegram-ում