Դավիդ Լուիս. Ցանկանում ենք այս տարի էլ եվրոգավաթի եզրափակչում խաղալ

«Չելսիի» պաշտպան Դավիդ Լուիսը մեկնաբանել է Եվրոպա լիգայի խաղարկության կիսաեզրափակչի առաջին խաղում իր թիմի’ «Բազելի» նկատմամբ տարած արտագնա հաղթանակը:

-Կարևոր էր այստեղ երկու գոլ խփել ու հաղթել, քանի որ «Բազելը» շատ բարդ մրցակից է, որը հիանալի ֆուտբոլ է խաղում: Այստեղ հաղթելը հեշտ չէ: Լավ է, որ վերջնամասում խփած գոլի շնորհիվ հաղթեցինք, սակայն առջևում դեռ պատասխան հանդիպում կա: Իհարկե, ցանկանում ենք եվրոգավաթի եզրափակչում խաղալ նաև այս տարի, սակայն կիսաեզրափակչում դեռ ոչինչ պարզ չէ: Հարկավոր է հաղթել կամ, նվազագույնը, սեփական դաշտում պարտություն չկրել,-ասել է բրազիլացին: