Ֆերգյուսոն. Մեզ վերակազմավորում պետք չէ. հնարավոր է` գնենք մի քանի խաղացողների

«Մանչեսթեր Յունայթեդի» գլխավոր մարզիչ սըր Ալեքս Ֆերգյուսոնը պատմել է նոր մրցաշրջանից առաջ ակումբի տրանսֆերային ծրագրերի մասին:

-Ես չեմ կարծում, թե թիմին վերակազմավորում է պետք: Հնարավոր է’ պայմանագրեր կնքենք մի քանի խաղացողների հետ: Եթե ֆուտբոլիստը համապատասխանում է մեզ ու կարող է օգնել թիմին, ապա նա անպայման կմիանա մեզ’ անկախ նրանից, թե այդ պահին քանի հոգի կա թիմում:

Մենք մի շարք լավ հովանավորներ ունենք, ովքեր մեծ ներդրումներ են կատարում, ինչը լավ նորություն է: Ես խոսել եմ Գլեյզերների ընտանիքի հետ ու հասկացել, որ մենք պետք է շարժվենք նույն ուղղությամբ,- ասել է շոտլանդացի մասնագետը: