Մունյաին. Կփորձենք հետաձգել «Բարսելոնայի» չեմպիոնությունը

«Ատլետիկի» կիսապաշտպան Իկեր Մունյաինը հուսով է, որ «Բարսելոնան» իրենց հետ առաջիկա խաղում չի ձևակերպի Լա Լիգայի չեմպիոնությունը:

-«Բարսելոնան» մեզ հետ խաղում հնարավորություն ունի ապահովելու տիտղոսը, այնպես որ, մենք մարտական կտրամադրվենք: Մենք ցանկանում ենք առավելագույնս արդյունավետ խաղալ ու փորձել հետաձգել նրանց հաղթանակը առաջնությունում:

Եթե ցանկանում ենք երեք միավոր վաստակել, ապա պետք է իդեալական հանդիպում անցկացնենք: Նույնիսկ եթե «Բարսելոնան» այժմ փոքր անկում է ապրում, ապա դա հանգստության նշան չպետք է լինի մրցակիցների համար,- ասել է Մունյաինը:

Հիշեցնենք’ բասկյան թիմի նկատմամբ հաղթանակի ու մադրիդյան դերբիում «Ռեալի» պարտության դեպքում «Բարսելոնան» արդեն այսօր կարող է ժամանակից շուտ հռչակվել Լա Լիգայի հաղթող: