Վենգեր. Տարվա խաղացող կանվանեի Կարրիկին, այլ ոչ թե վան Պերսիին

«Արսենալի» գլխավոր մարզիչ Արսեն Վենգերը նշել է, որ «Մանչեսթեր Յունայթեդի» կիսապաշտպան Մայքլ Կարրիկը արժանի է տարվա լավագույն խաղացողի մրցանակին արժանանալուն:

-Ես ընտրում եմ Կարրիկին: Նա շատ բարձր որակներ ունի ու շատ լավ կհամապատասխաներ «Բարսելոնայի» խաղային մոդելին: Նա խելացի խաղացող է, ով լավ է տեսնում դաշտը: Նա իր ունակությունները ցույց է տվել ողջ կարիերայի ընթացքում:

Կան նաև այլ թեկնածուներ: Սակայն վան Պերսին երկար ժամանակ չէր կարողանում գրավել մրցակիցների դարպասը, իսկ Սուարեսը վատ վարքագիծ դրսևորեց: Կա նաև Գարեթ Բեյլը:

Ես կարծում եմ’ Կարրիկը այդքան էլ գնահատված խաղացող չէ: Այնպես որ, մրցանակը երբեմն հարկավոր է տալ ոչ թե հարձակվողի, այլ ֆուտբոլիստի, ով համարվում է իր թիմի խաղի սիրտը,- ասել է Վենգերը: