Նյանգ. Ցանկանում եմ գերազանցել Մեսսիին

«Միլանի» հարձակվող Մբայե Նյանգը խոսել է ապագայի իր ամբիցիոզ ծրագրերի մասին:

-«Միլանը» մեծագույն թիմ է, որն արդեն շատ տիտղոսներ է հաղթել: Երիտասարդի համար մեծ պատիվ է խաղալ այս մակարդակի ակումբում: Այժմ ես ցանկանում եմ շահել մարդկանց վստահությունը, որպեսզի նրանք ինձ հնարավորություն տան:

Ես քրտնաջան աշխատում եմ, որպեսզի դառնամ աշխարհի լավագույն ֆուտբոլիստը: Միշտ մտածել եմ «Ոսկե գնդակի» մասին: Դա իմ կարիերայի գլխավոր նպատակն է: Ես ցանկանում եմ գերազանցել Լիոնել Մեսսիին: Առավելագույնն եմ ներդնում ցանկացած մարզման ժամանակ: Գիտեմ, որ մի օր կհասնեմ դրան,- ասել է 18-ամյա ֆրանսիացին Sky Sport Italia-ին տված հարցազրույցում: