Daily Mail. «Տոտենհեմը» փորձում է ձեռք բերել Սոլդադոյին
28/04/2013 17:44
Նմանատիպ
«Վալենսիայի» հարձակվող Ռոբերտո Սոլդադոն հայտնվել է «Տոտենհեմի» նշանառության տակ, հաղորդում է Daily Mail-ը:
Ըստ «շպորների» նախագահ Դանիել Լևիի նախագծի’ 27-ամյա իսպանացին թիմի կազմն ուժեղացնելու նախագծի մի մասն է, որը հաջորդ մրցաշրջանում փորձելու է պայքարել Պրեմիեր լիգայի չեմպիոնության համար:
Հիշեցնենք’ լոնդոնյան ակումբը Չեմպիոնների լիգայում հայտնվելու դեպքում թիմում կպահի առաջատար Գարեթ Բեյլին, որով հետաքրքրված են մի շարք թոփ-ակումբներ:
Ակնկալվում է, որ «շպորների» սկաուտները այսօր կհետևեն Սոլդադոյի խաղին «Ռեալ Սոսյեդադի» հետ մրցավեճում:
Իսպանիայի ներկայիս առաջնությունում անցկացրած 29 խաղում հարձակվողը դարձել է 17 գոլի ու 4 արդյունավետ փոխանցման հեղինակ:
Հետևեք մեզ նաև Telegram-ում