Բուտրագենյո. «Ռեալի» ներկայիս կազմը ունակ է քամբեք կատարել «Բորուսիայի» հետ խաղում

«Ռեալի» հասարակայնության հետ կապի տնօրեն Էմիլիո Բուտրագենյոն ընդգծել է Չեմպիոնների լիգայի խաղարկության «Բորուսիայի» հետ կիսաեզրափակիչ պատասխան հանդիպման նշանակությունը: Հիշեցնենք’ առաջին մրցավեճում 4-1 հաշվով հաղթել են դորտմունդցիները:

-«Բորուսիայի» հետ պատասխան խաղը, միգուցե, վերջին տասնամյակում «Ռեալի» ամենակարևոր հանդիպումն է: Յուրաքանչյուր անցնող օրվա հետ քամբեքին հավատացող երկրպագուների թիվը ավելանում է:

Դե ինչ, պետք է տեսնել, թե կհաջողվի արդյոք դա մեզ: Սակայն «Ռեալի» ներկայիս կազմը, համոզված եմ, ունակ է դրան,- ասել է Բուտրագենյոն AS-ին տված հարցազրույցում: