Հայտնի է «Բարսելոնա» – «Բավարիա» հանդիպման գլխավոր մրցավարի անունը

ՈՒԵՖԱ-ի շտաբ-բնակարանում տեղի է ունեցել Չեմպիոնների լիգայի խաղարկության կիսաեզրափակչի’ «Բարսելոնա» – «Բավարիա» պատասխան հանդիպման գլխավոր մրցավարի նշանակումը: Ինչպես հայտնում է կազմակերպության պաշտոնական կայքը, խաղի սպասարկումը վստահվել է սլովենացի մրցավար Դամիր Սկոմինային:

36-ամյա սլովենացին ՖԻՖԱ-ի մրցավար է համարվում 2003 թվականից, ու այս հանդիպումը նրա համար վեցերորդը կլինի եվրոգավաթային ընթացիկ մրցաշրջանում: Ավելի վաղ Սկոմինան մեկ անգամ աշխատել է «Բավարիայի» մասնակցությամբ մրցավեճում, երբ 2009 թվականին մյունխենցիները մրցակցի հարկի տակ 3-0 հաշվով հաղթեցին Հայֆայի «Մաքքաբիին»: «Բարսելոնայի» հետ այս մրցավարը առայժմ ոչ մի փոխգործակցություն չի ունեցել: