Սեսկ Ֆաբրեգասը կարող է վերադառնալ «Արսենալ»

Չի բացառվում, որ լոնդոնյան ակումբի նախկին ավագը վերադառնա այնտեղ:

Հիշեցնենք, որ «Բարսելոնայի» սան Սեսկ Ֆաբրեգասը հարազատ ակումբ էր վերադարձել «Արսենալից»: Սակայն, նա Կատալոնիայում մինչ այժմ չի կարողանում լիովին դրսևորել իր կարողությունները:

Կիսապաշտպանն ավելի վաղ հերքել էր Լոնդոն վերադառնալու հնարավորությունը: Սակայն, բրիտանական ԶԼՄ-ները տեղեկացնում են, որ նա փորձում է Լոնդոնում 5,4 մլն. ֆունտ արժողությամբ բնակարան գտնել: Նաև նշվում է, որ ֆուտբոլիստի ընկերուհին ցանկանում է’ իրենց դուստրը մեծանա Լոնդոնում:

Ինչպես հաղորդում է Daily Star-ը, «Բարսելոնան» պատրաստ է դիտարկել Սեսկին վաճառելու տարբերակը, որի տրանսֆերից ստացված գումարը կօգնի թիմն ամռանը ամրապնդելու հարցում: Հիշեցնենք’ իսպանացին կատալոնական ակումբ է տեղափոխվել 2011 թվականին’ 35 մլն. ֆունտի դիմաց: Նրա պայմանագիրն ակումբի հետ գործում է մինչև 2016 թվականը: