«Ման. Յունայթեդ». 65 մլն.+ Նանի = Ռոնալդու

«Կարմիր սատանաները» հետաքրքիր առաջարկ են պատրաստել «Ռեալի» համար:

Երկար ժամանակ է, ինչ խոսվում է, որ առաջիկա ամռանը Ալեքս Ֆերգյուսոնը պատրաստվում է Կրիշտիանու Ռոնալդուին վերադարձնել «Օլդ Թրաֆֆորդ»: Ակումբի հովանավորները պատրաստ են ֆինանսավորել դրան: Նախորդ ամիս երկարաձգվեց համագործակցությունը Nike-ի հետ: Արդյունքում կողմերը համաձայնության եկան, որ պորտուգալացուն հնարավոր է վերադարձնել ու Nike-ը պատրաստ է գումար ներդնել դրա համար: Մանկունյական ակումբը նաև վաճառում է իր մարզաբազայի անվանումը, ինչը նույնպես կօգնի տրանսֆերին:

Վերջերս հայտնի դարձավ, որ «ՊՍԺ»-ն նույնպես պատրաստ է միանալ Ռոնալդուի համար պայքարին: Այդ լուրը «կարմիր դևերին» ստիպել է կոնկրետ քայլերի անցնել:

Փարիզյան ակումբի քաթարցի սեփականատերերը պատրաստ են Պորտուգալիայի հավաքականի ավագի համար առաջարկել 100 մլն. եվրո: «Յունայթեդն» էլ պատասխանել է այս առաջարկով’ 65 մլն. եվրո, ինչպես նաև Լուիշ Նանիին, իսկ անձամբ Կրիշտիանուն Մանչեսթերում կստանա շաբաթական 250 հազար ֆունտ աշխատավարձ:

Ռոնալդուի պայմանագրի շուրջ իրավիճակը, ով չի ցանկանում նոր համաձայնագիր ստորագրել «Արքայական» ակումբի հետ, անորոշ է մնում, քանի որ ֆուտբոլիստին աշխատավարձի նվազում է սպառնում: «Ռեալը» ցանկանում է բարձր արժեքով վաճառել Ռոնալդուին, քանի որ հեռագա տարիներին նրա տրանսֆերային գինը նվազելու է: