Լեմպարդ. Ավելի լավ է` պայքարեինք չեմպիոնության, ոչ թե Չեմպիոնների լիգայում հայտնվելու համար

«Չելսիի» կիսապաշտպան Ֆրենկ Լեմպարդը նշել է, որ իր թիմն ունակ է Պրեմիեր լիգան ավարտել լավագույն քառյակում:

-Երբ խաղում ես այնպիսի ակումբում, ինչպիսին «Չելսին» է, ապա դրսից միշտ էլ ճնշում ես զգում: Իհարկե, ես ավելի կնախընտրեի, որ մենք այժմ պայքարեինք չեմպիոնության, այլ ոչ թե Չեմպիոնների լիգայում հայտնվելու համար: Սակայն, միևնույն ժամանակ, հասկանում եմ, թե այդ մրցաշարին մասնակցելը որքան կարևոր է մեզ համար:

Կարծում եմ’ եթե մենք հաջող խաղանք հաջորդ տուրերի’ «Տոտենհեմի» ու «Մանչեսթեր Յունայթեդի» հետ հանդիպումներում, ապա կապահովենք տեղը լավագույն քառյակում: Սակայն պետք չէ մոռանալ նաև «Աստոն Վիլլայի» հետ խաղի մասին: Բիրմինգեմցիները պայքարում են առաջնությունում մնալու համար ու հեշտությամբ չեն հանձնվի,- ասել է Լեմպարդը:

«Չելսին» այս պահին ընթանում է 3-րդ տեղում ու առաջնության ավարտից 4 տուր առաջ «Արսենալից» առաջ է անցել 1, իսկ «Տոտենհեմից»’ 3 միավորով: