Լուչեսկու. Մխիթարյանի առաջընթացի շնորհիվ բարձրացավ թիմի մակարդակը
Նմանատիպ
«Շախտյորի» գլխավոր մարզիչ Միրչա Լուչեսկուն Ուկրաինայի առաջնության չեմպիոնական տիտղոսը նվաճելուց հետո ծավալուն հարցազրույց է տվել ակումբի պաշտոնական կայքին: Լուչեսկուն անդրադարձել է նաև առաջնության լավագույն ռմբարկու, Հայաստանի ազգային հավաքականի կիսապաշտպան Հենրիխ Մխիթարյանի խաղին.
-Չափազանց խելացի խաղացող, ով ապրում է միայն ֆուտբոլով: Ես նրան նկատեցի, երբ նա 17 տարեկան էր ու խաղում էր «Շախտյորի» դեմ` Չեմպիոնների լիգայի որակավորման փուլում` երևանյան ակումբի կազմում: Սակայն այն ժամանակ մեզ մոտ ոչ ոք առանձնապես չէր վստահում հայ ֆուտբոլիստներին: Իսկ ես պարտադրեցի. նա երկուս ու կես տարի անց արդեն դոնեցկյան մեկ այլ թիմից` «Մետալուրգից» տեղափոխվեց մեզ մոտ:
Հենրիխն արագացնում է խաղը, միշտ շատ լավ է զգում դրությունը, կապի մեջ է լինում մյուս ֆուտբոլիստների հետ, նա հիանալի գոլային հոտառություն ունի, կարևոր դերակատարություն ունի գոլային պահեր ստեղծելիս, ինքն էլ բազմաթիվ գոլեր է խփում: Մեկ տարվա ընթացքում նրա արձանագրած առաջընթացի շնորհիվ բարձրացավ նաև թիմի ընդհանուր մակարդակը:
Հետևեք մեզ նաև Telegram-ում