Գվարդիոլան չի պատրաստվում վերադառնալ «Բարսելոնա»

«Բարսելոնայի» նախկին գլխավոր մարզիչ Պեպ Գվարդիոլան կարծում է, որ ինքն ամռանը ճիշտ որոշում ընդունեց’ հեռանալով կատալոնական ակումբից:

-Իմ կյանքի այդ փուլը ավարտված է: Դա ֆանտաստիկ ժամանակահատված էր, բայց այժմ ամեն ինչ փոխվել է: Ես երջանիկ էի «Բարսելոնայում»: Ես այնտեղ շատ լավ հարաբերություններ եմ ունեցել այն մարդկանց հետ, որոնց հետ աշխատել եմ:

Ես հպարտ եմ, որ եղել եմ «Բարսելոնայի» մի մասը, սակայն կյանքը շարունակվում է ու մենք պետք է մեր առջև նոր նպատակներ դնենք: Ես արել եմ այն, ինչն իմ ուժերի սահմաններում է:

Ամեն ինչին կա սկիզբ ու վերջ: Այն գալիս է այն ժամանակ, երբ հասկանում ես, որ քեզ հագեցրել է այդ աշխատանքը: Ավելի լավ է անձամբ կայացնել ակումբից հեռանալու որոշումը, քան որևէ մեկը քեզ ասի այդ մասին,- ասել է «Բավարիայի» ապագա գլխավոր մարզիչը: