Մոուրինյոն զղջում է, որ Դիեգո Լոպեսին ավելի շուտ չեն գնել

«Վալյադոլիդի» հետ խաղից առաջ տեղի ունեցած մամուլի ասուլիսի ժամանակ Ժոզե Մոուրինյոն ասել է, որ ցավում է Դիեգո Լոպեսի հետ ավելի շուտ պայմանագիր չկնքելու համար:

Հիշեցնենք, որ Իկեր Կասիլյասի ստացած ձեռքի վնասվածքից հետո հունվարին Լոպեսը «Սևիլիայից» տեղափոխվեց «արքայական» ակումբ և մինչև այժմ կատարում է հենց հիմնական դարպասապահի պարտականությունները:

-Ի՞նչ կանեի ես, եթե վերջին երեք տարիները փոխելու հնարավորություն ունենայի…մենք պետք է գնեինք Դիեգո Լոպեսին իմ` «Ռեալ» տեղափոխության առաջին մրցաշրջանից հետո: Մենք բավարար գործողություններ չկատարեցինք նրա հետ պայմանագիր ստորագրելու համար: Դա մեծ բացթողում է,-ասել է Մոուրինյոն: