«Կուբանը» հաղթեց. Օզբիլիսը խաղաժամանակ ստացավ, իսկ Պիցցելին` ոչ (տեսանյութ)

Ռուսաստանի առաջնության 27-րդ տուրի շրջանակներում «Կուբանը» հյուրընկալվելիս 0:2 հաշվով առավելության հասավ էր «Ռոստովի» նկատմամբ: Հանդիպման երկու գոլերն էլ հեղինակեց Պոպովը` 48-րդ և 56-րդ րոպեներին:

Հայաստանի ազգային հավաքականի ֆուտբոլիստներ Մարկոս Պիցցելին և Արազ Օզբիլիսը խաղը սկսեցին պահեստայինների նստարանից, սակայն Օզբիլիսը այնուամենայնիվ խաղաժամանակ ստացավ` փոխարինման դուրս գալով 64-րդ րոպեին: 

Նշենք, որ կարճ ժամանակահատվածում մնալով խաղադաշտում` հայ ֆուտբոլիստն ակտիվ մասնակցեց գրոհներին և մի քանի վտանգավոր պահեր ստեղծեց:

Այս հաղթանակից հետո «Կուբանն» ունի 44 միավոր, իսկ «Ռոստովը» մնաց 25 միավորով: