Պեպեն քննադատել է Մոուրինյոյին Կասիլյասին չհարգելու համար

Մադրիդի «Ռեալի» պաշտպան Պեպեն քննադատել է թիմի գլխավոր մարզիչ Ժոզե Մոուրինյոյին Իկեր Կասիլյասի մասին ասած խոսքերի համար: Բանն այն է, որ Իսպանիայի առաջնության «Վալյադոլիդի» հետ խաղում Իկերը կրկին պահեստայինների շարքում էր ու Մոուրինյոն լրագրողներին պատասխանել էր, որ եթե իր ընտրությամբ լիներ` Դիեգո Լոպեսը ավելի շուտ կգնար «Ռեալ»: 

Պեպեն այս առիթով նշել է, որ Իկերի նկատմամբ հարգանքը չէր խանգարի.

-Մենք պետք է ավելի շատ հարգենք Իկերին: Մոուրինյոյի գնահատականներն այնքան էլ ճիշտ չեն: Կասիլյասը լեգենդ է ակումբում և Իսպանիայում: Նա պետք է իմանա, որ ֆուտբոլիստներն ու երկրպագուները միշտ իր կողքին են: