Ալեգրի. «Միլանի» համար երրորդ տեղը հավասար է Սկուդետտոյի

«Միլանի» գլխավոր մարզիչ Մասիմիլիանո Ալեգրին Ա Սերիայի երրորդ տեղը համեմատել է Սկուդետտոյի հետ ու խոսել Ստեֆան Էլ-Շաարավիին Ռոբինյոյով փոխարինելու հնարավորությունից:

-Չեմպիոնների լիգա դուրս գալու մաթեմատիկական ոչ մի երաշխիք դեռևս չունենք, հետևաբար, ամեն խաղ որոշիչ է: Երրորդ տեղը մեզ համար հավասար է Սկուդետտոյի’ հաշվի առնելով մրցաշրջանի սկզբին ունեցած խնդիրները:

Չորրորդ տեղը ձախողում չէր լինի, բայց դա տխուր արդյունք կլիներ, ու ես չեմ ցանկանում նույնիսկ մտածել այդ մասին: Իմ տղաները արժանի են երրորդ տեղին:

Էլ-Շաարավիի’ «Տորինոյի» հետ հանդիպմանը մասնակցելուն ես լավատեսորեն եմ նայում, բայց, եթե ինչ-որ բան այնպես չլինի, Ռոբինյոն պատրաստ է, իսկ Բալոտելլին ու Բոատենգը խաղը կսկսեն առաջին րոպեներից,- ասել է Ալեգրին: