«Ինտերը» միացել է Սեսկ Ֆաբրեգասի համար պայքարին

«Բարսելոնայի» կիսապաշտպան Սեսկ Ֆաբրեգասը հայտնվել է իտալական թոփ-ակումբների ուշադրության կենտրոնում: «Միլանից» հետո Իսպանիայի հավաքականի 26-ամյա ֆուտբոլիստի ծառայությունները հետաքրքրել են նաև «Ինտերին», հաղորդում է Corriere dello Sport-ը:

Ըստ աղբյուրի տեղեկությունների’ «Ինտերը» առավելություն ունի Ֆաբրեգասի համար պայքարում, քանի որ կարող է գործարքի մեջ ներառել կատալոնացիների տրանսֆերային գլխավոր նպատակին’ դարպասապահ Սամիր Հանդանովիչին:

Եթե գործարքը չկայանա, ապա «ներաձուրին» կփորձի վարձակալել Սեսկին’ հետագայում ամբողջական տրանսֆերի գնման նպատակով: Հիշեցնենք’ միլանյան երկու ակումբները նրան ցանկանում էին գնել դեռ այն ժամանակ, երբ հանդես էր գալիս «Արսենալի» կազմում:

Լա Լիգայի ընթացիկ առաջնությունում Ֆաբրեգասը մասնակցել է 28 հանդիպման’ դառնալով 10 գոլի ու 14 գոլային փոխանցման հեղինակ: