Վիլանովա. «Բարսելոնային» մեծ փոփոխություններ պետք չեն

«Բարսելոնայի» գլխավոր մարզիչ Տիտո Վիլանովան համաձայն չէ Խերարդ Պիկեի հետ, ով Չեմպիոնների լիգայի խաղարկության «Բավարիայի» հետ հանդիպումից հետո նշել էր, որ թիմի կազմը լուրջ փոփոխությունների կարիք ունի:

-Այս թիմը մեծ փոփոխությունների կարիք չունի,- ասել է Վիլանովան:

Տիտոն օրինակ է բերել Յոհան Կրոյֆի գլխավորած «Դրիմ» թիմը, որի վերջնական կետը դարձավ 1993/94 թթ. մրցաշրջանի Չեմպիոնների լիգայի եզրափակչում «Միլանից» կրած 0-4 հաշվով պարտությունը:

-Կրոյֆի «դրիմ» թիմը իր ժամանակ հաղթել էր Պրեմիերան, դուրս էր եկել Չեմպիոնների լիգայի եզրափակիչ, սակայն խոշոր հաշվով զիջել էր «Միլանին»: Այնուհետև նրանք որոշեցին լայնածավալ փոփոխություններ կատարել, ու ամեն ինչ ավելի վատ վերջացավ:

Մենք շատ լավ հիմք ունենք, երիտասարդ ֆուտբոլիստներ: Մեզ պարզապես պետք է ամրապնդել այդ հիմքը: Խաղացողը, ով խոսել է փոփոխությունների անհրաժեշտության մասին, չի գիտակցել, որ դրանք կարող են ազդել նաև իր վրա,- ավելացրել է մասնագետը: